“Атлетико” клубидан ижарага олинган “Ювентус” ҳужумчиси Алваро Мората фаолиятини “Барселона”да давом эттирмоқчи. Испания клуби бош мураббийи Хави футболчи билан доимо қўнғироқ орқали гаплашиб туради. Бу ҳақда журналист Фабрицио Романо Twitterда хабар берди.
"Ювентус" ёзда 29 ёшли Моратани 40 миллион еврога сотиб олиш вариантини фаоллаштирмайди, аммо ўрнига футболчи топилмагунча, январь ойида испаниялик ҳужумчини қўйиб юборишга тайёр эмас.
Мората жорий мавсум А Серия ва Чемпионлар лигасининг 23 та ўйинида 7 та гол урди ва 3 та голли узатмани амалга оширди.
