«Adana Dmirspor» va Italiya terma jamoasi futbolchisi Mario Balotelli Breshiyadagi ta’tili paytida kovid uchun topshirgan testi ijobiy chiqqani e’lon qilindi.

Endi u Italiyadagi uyida o‘zini o‘zi izolyasiya qilishiga to‘g‘ri keladi. «Adana Demirspor» bayonotida Balotelli testdan o‘tishdan oldin koronavirus «alomatlari»ni his qilgani qayd etilgan.

31 yoshli futbolchining emlanganligi hozircha noma’lum. U bugun o‘z Instagramiga: «Hatto kuchli odamlar ham quchoqqa muhtoj» degan postni joylashtirgan.

Ma’lumot uchun, Balotelli Turkiyada ushbu mavsum 20 ta o‘yinda maydonga tushib, sakkizta gol urdi va jamoadoshlariga to‘rtta golli uzatma berdi.