«Адана Дмирспор» ва Италия терма жамоаси футболчиси Марио Балотелли Брешиядаги таътили пайтида ковид учун топширган тести ижобий чиққани эълон қилинди.

Энди у Италиядаги уйида ўзини ўзи изоляция қилишига тўғри келади. «Адана Демирспор» баёнотида Балотелли тестдан ўтишдан олдин коронавирус «аломатлари»ни ҳис қилгани қайд этилган.

31 ёшли футболчининг эмланганлиги ҳозирча номаълум. У бугун ўз Инстаграмига: «Ҳатто кучли одамлар ҳам қучоққа муҳтож» деган постни жойлаштирган.

Маълумот учун, Балотелли Туркияда ушбу мавсум 20 та ўйинда майдонга тушиб, саккизта гол урди ва жамоадошларига тўртта голли узатма берди.