Gollandiya terma jamoasining sobiq futbolchisi Deyvi Propper 30 yoshida faoliyatini yakunladi.
«Futbol o‘ynash quvonchini qaytadan kashf qilishni umid qilgandim, lekin bu menda hech qachon amalga oshmadi.
Men endi futbol olamida o‘zimni qulay his qilmayapman, endi uning bir qismi bo‘lishni xohlamayman, men u bilan xayrlashaman», — deydi Propper.
Eslatib o‘tamiz, Propper atigi olti oy oldin «PSV» futbolchisiga aylangan edi. Tomonlar o‘zaro kelishuv asosida shartnomani bekor qilishdi.
Propper Gollandiya terma jamoasi safida 17 ta o‘yin o‘tkazib, 3 ta gol urgan.