Голландия терма жамоасининг собиқ футболчиси Дейви Проппер 30 ёшида фаолиятини якунлади.
«Футбол ўйнаш қувончини қайтадан кашф қилишни умид қилгандим, лекин бу менда ҳеч қачон амалга ошмади.
Мен энди футбол оламида ўзимни қулай ҳис қилмаяпман, энди унинг бир қисми бўлишни хоҳламайман, мен у билан хайрлашаман», — дейди Проппер.
Эслатиб ўтамиз, Проппер атиги олти ой олдин «ПСВ» футболчисига айланган эди. Томонлар ўзаро келишув асосида шартномани бекор қилишди.
Проппер Голландия терма жамоаси сафида 17 та ўйин ўтказиб, 3 та гол урган.
