Yangi mavsumda o‘z oldiga jiddiy maqsadlar qo‘ygan “Navbahor” o‘z tarkibini kuchaytirishda davom etmoqda.

Mahoratli hujumchi Andrey Sidorov jamoa bilan shartnoma imzoladi.
Sidorov 1995 yilning 30 fevralida Toshkent shahrida tug‘ilgan. “Paxtakor” futbol klubi tarbiyalanuvchisi.Futbolchilik faoliyati davomida “Paxtakor” (Toshkent, 2016 yil), “Qo‘qon-1912” (Qo‘qon, 2017 yil), “Qizilqum” (Navoiy, 2018 yilning 1-davrasi), “Neftchi” (Farg‘ona, 2018 yilning 2-davrasi), “Buxoro” (Buxoro, 2019 yil), “Xo‘jand” (Tojikiston, 2020 yil) jamoalarida o‘ynagan.

26 yoshli futbolchi o‘tgan mavsumni “Qo‘qon-1912” jamoasida o‘tkazib, 16 ta o‘yinda maydonga tushib, 406 daqiqa harakat qilgan va 4 ta gol urgan.
Mahoratli hujumchi shuningdek, O‘zbekistonning turli toifadagi terma jamoalarida ham o‘ynagan. 2018 yilgi U-23 Osiyo chempionatining finalida vetnamliklar darvozasiga g‘alaba to‘pini kiritib, O‘zbekiston U-23 terma jamoasining Osiyo chempioni unvonini qo‘lga kiritishiga munosib hissasini qo‘shgan.