Yaqindagina yuz bergan Romelu Lukaku va "Chelsi" bosh murabbiyi Tomas Tuxel o‘rtasidagi kelishmovchiliklar haqida qisqa xabarlar orqali batafsil ma’lumot olishingiz mumkin.
– 30 dekabr kuni Romelu intervyu berdi. Unda futbolchi “Chelsi”da baxtsiz ekani, Tuxelning taktikasidan qoniqmayotgani va “Inter”ga qaytish istagida ekani haqida gapirdi;
– Bu intervyu “Chelsi” murabbiylar shtabi va rahbariyat, shuningdek, har ikki jamoa muxlislari orasida norozilik kayfiyatini shakllantirdi;
– Tuxel belgiyalikni “Liverpul”ga qarshi o‘yin qaydnomasiga kiritmadi;
– Jamoa rahbariyati va futbolchilari murabbiy tomonida bo‘ldi. Rahbariyat Lukakuga mutaxassis tomonida ekanini ma’lum qildi;
– “Liverpul”ga qarshi o‘yindan keyin Lukaku va Tuxel o‘rtasida uchrashuv bo‘lib o‘tgan. Unda tomonlar murosa yo‘lini tanlagan;
– Lukaku 4 yanvar kuni murojaat bilan chiqdi va intervyudagi gaplari uchun barchadan uzr so‘radi;
– Klub Lukakuni 600 ming yevro miqdoridagi jarimaga tortishi mumkinligi haqidagi xabarlar yangradi.