Яқиндагина юз берган Ромелу Лукаку ва "Челси" бош мураббийи Томас Тухель ўртасидаги келишмовчиликлар ҳақида қисқа хабарлар орқали батафсил маълумот олишингиз мумкин.
– 30 декабрь куни Ромелу интервю берди. Унда футболчи “Челси”да бахтсиз экани, Тухелнинг тактикасидан қониқмаётгани ва “Интер”га қайтиш истагида экани ҳақида гапирди;
– Бу интервю “Челси” мураббийлар штаби ва раҳбарият, шунингдек, ҳар икки жамоа мухлислари орасида норозилик кайфиятини шакллантирди;
– Тухель белгияликни “Ливерпуль”га қарши ўйин қайдномасига киритмади;
– Жамоа раҳбарияти ва футболчилари мураббий томонида бўлди. Раҳбарият Лукакуга мутахассис томонида эканини маълум қилди;
– “Ливерпуль”га қарши ўйиндан кейин Лукаку ва Тухель ўртасида учрашув бўлиб ўтган. Унда томонлар муроса йўлини танлаган;
– Лукаку 4 январь куни мурожаат билан чиқди ва интервьюдаги гаплари учун барчадан узр сўради;
– Клуб Лукакуни 600 минг евро миқдоридаги жаримага тортиши мумкинлиги ҳақидаги хабарлар янгради.