Yangi mavsumda o‘z oldiga jiddiy maqsadlar qo‘ygan “Navbahor” o‘z tarkibini kuchaytirishda davom etmoqda. Mahoratli himoyachi Xurshid Muxtorov namanganliklar bilan shartnoma imzoladi.
Muxtorov 1994 yilning 9 fevralida Sirdaryo viloyatining Guliston shahrida tug‘ilgan. Futbol bilan 9 yoshidan shug‘ullana boshlagan. Xabaringiz bor, mazkur futbolchi 2020 yilgi mavsumda “Navbahor” tarkibida o‘ynagan.
Shuningdek, Xurshid Muxtorov jamoamizdan tashqari, “Guliston” (Guliston, 2013 yil), “So‘g‘diyona” (Jizzax, 2014 yil), “Lokomotiv” (Toshkent, 2015-2016 yillar), “Olmaliq” (Olmaliq, 2017-2018 yillar) va “Nasaf” (Qarshi, 2019 yil) klublarida ham to‘p tepgan.
O‘tgan mavsumni Toshkentning “Lokomotiv” tarkibida o‘tkazgan 27 yoshli futbolchi Coca Cola Superliga bahslarida 13 ta o‘yinda maydonga tushib, 776 daqiqa harakat qilgan.
“Navbahor” PFK matbuot xizmati.