Янги мавсумда ўз олдига жиддий мақсадлар қўйган “Навбаҳор” ўз таркибини кучайтиришда давом этмоқда. Маҳоратли ҳимоячи Хуршид Мухторов наманганликлар билан шартнома имзолади.

Мухторов 1994 йилнинг 9 февралида Сирдарё вилоятининг Гулистон шаҳрида туғилган. Футбол билан 9 ёшидан шуғуллана бошлаган. Хабарингиз бор, мазкур футболчи 2020 йилги мавсумда “Навбаҳор” таркибида ўйнаган.

Шунингдек, Хуршид Мухторов жамоамиздан ташқари, “Гулистон” (Гулистон, 2013 йил), “Сўғдиёна” (Жиззах, 2014 йил), “Локомотив” (Тошкент, 2015-2016 йиллар), “Олмалиқ” (Олмалиқ, 2017-2018 йиллар) ва “Насаф” (Қарши, 2019 йил) клубларида ҳам тўп тепган.

Ўтган мавсумни Тошкентнинг “Локомотив” таркибида ўтказган 27 ёшли футболчи Coca Cola Суперлига баҳсларида 13 та ўйинда майдонга тушиб, 776 дақиқа ҳаракат қилган.

“Навбаҳор” ПФК матбуот хизмати.