Xabaringiz bor, Superliga hamda Pro ligada ishtirok etayotgan klublarga ajratilayotgan mablag‘larning maqsadli sarflanishini monitoring qilish maqsadida Vazirlar Mahkamasining 2021 yil 30 apreldagi “Futbol klublari faoliyatining samaradorligini oshirish chora-tadbirlari to‘g‘risida”gi 261-sonli qaroriga muvofiq professional futbol klublarining yillik xarajatlar smetasi O‘FA bilan kelishilgan holda tasdiqlanishi belgilab qo‘yilgan.
Barcha futbol klublari 2022 yilgi xarajatlar smetasi loyihasini allaqachon ishlab chiqib, yakunda O‘FAga kelishish uchun taqdim etmoqda.
Bunda avvalo klublarning infratuzilma va akademiyani rivojlantirish masalasiga mablag‘ yo‘naltirishini ta’minlash uchun O‘FA va O‘zPFL vakillaridan tashkil etilgan maxsus komissiya klubning yillik xarajatlar smetasida birinchi navbatda stadion va maydon parvarishiga, akademiya hamda o‘quv-mashg‘ulot qarorgohini tashkil qilinishi, ayollar va futzal jamoalari, shuningdek turli yosh toifasidagi jamoalarning musobaqalardagi ishtiroki xarajatlari aks etgani masalasini ko‘rib chiqib, bu borada o‘z taklif va tavsiyalarini bermoqda.
Bu orqali aksariyat klublarda uzoq yillardan buyon yechim topmay kelayotgan infratuzilma bo‘yicha kamchiliklar bosqichma-bosqich bartaraf etib borilishi ko‘zda tutilgan.
