2023 yilning yozida “Manchester Siti”ning amaldagi bosh murabbiyi Xosep Gvardiolaning shartnoma muddati tugaydi. Tomonlar o‘zaro hamkorlikni yangilamasliklari ehtimoldan xoli emas, chunki ispaniyalik mutaxassisning o‘zi yaqinda terma jamoalardan birini boshqarishni rejalashtirgan holda ketishiga sha’ma qilgan edi. 

Natijada, “shaharliklar” allaqachon Gvardiolaning o‘rnini bosadigan murabbiylarni sinchkovlik bilan ko‘rib chiqishga kirishgan. “The Athletic” nashrining xabariga ko‘ra, klub rahbariyati mos ravishda “Arsenal” va “Kristal Pelas” ustozlari Mikel Arteta va Patrik Viyeyraning nomzodlarini diqqat bilan kuzatib boradi.

Etiborlisi, “Siti” yuqori saviyadagi futbolchi sifatida o‘ynagan, katta tajribaga ega yosh murabbiyga tayanmoqchi.