2023 йилнинг ёзида “Манчестер Сити”нинг амалдаги бош мураббийи Хосеп Гвардиоланинг шартнома муддати тугайди. Томонлар ўзаро ҳамкорликни янгиламасликлари эҳтимолдан холи эмас, чунки испаниялик мутахассиснинг ўзи яқинда терма жамоалардан бирини бошқаришни режалаштирган ҳолда кетишига шаъма қилган эди. 

Натижада, “шаҳарликлар” аллақачон Гвардиоланинг ўрнини босадиган мураббийларни синчковлик билан кўриб чиқишга киришган. “The Athletic” нашрининг хабарига кўра, клуб раҳбарияти мос равишда “Арсенал” ва “Кристал Пэлас” устозлари Микель Артета ва Патрик Виейранинг номзодларини диққат билан кузатиб боради.

Этиборлиси, “Сити” юқори савиядаги футболчи сифатида ўйнаган, катта тажрибага эга ёш мураббийга таянмоқчи.