O‘zPFL bosh direktori Diyor Imomxo‘jayev o‘z Telegram kanalida Namanganning "Navbahor" klubi amalga oshirayotgan transferlar haqida fikr bildirdi.
"Navbahor" transfer oynasi va unga nisbatan belgilangan limit masalasida aql bilan yo‘l tutdi. 6 dekabrga qadar klub 5 futbolchi bilan tuzilgan shartnomani bizga taqdim etib ulgurgandi. Shundan kelib chiqib, ular 10 talik limitni to‘liq saqlab qolishga erisha olishdi. Ro‘yxatdan o‘tkazilgan shartnomalar O‘zPFL rasmiy sahifasida rasman e’lon qilinadi. Kuzatib boring", - deb yozdi Imomxo‘jayev.