“Qo‘qon-1912” jamoasining Qo‘qon shahridagi o‘quv-yig‘in mashg‘ulotlari davom etmoqda.

Kecha futbolchilar ikki mahal mashg‘ulot o‘tkazishdi. Ertalabki mashg‘ulotlar trenajyor zalida bo‘lib o‘tgan bo‘lsa, kunning ikki yarmida jamoa vakillari “Ahmadxon sport majmuasi”ning su’niy qoplamali maydonida shug‘ullanishdi.

Kechagi mashg‘ulotlarga tarkibga yangi qo‘shilgan Quvondiq Ro‘ziyev hamda yosh iqtidorli futbolchi Murodjon Komilovlar qo‘shilishdi. Shuningdek asosiy tarkib futbolchilari Oybek Rustamov va Mo‘mimnjon Meliyevlar ham jamoa ixtiyoriga yetib kelishgan. Jamoaning Serbiyalik futbolchisi Ivan Yosovich Toshkentdagi yig‘inga yetib kelishi ko‘zda tutilgan.
Jamoa tarkibida bir qator yangi futbolchilar ko‘rikdan o‘tishmoqda.
Shulardan biri sifatida Ukrainalik legioner futbolchi ham ko‘rikdan o‘tmoqda. Asli kelib chiqishi Dog‘istonlik bo‘lgan Mamashev Magomed Yusufovich , 2002 yilda tug‘ilgan bo‘lib Kiyev BO‘SM tarbiyalanuvchisi hisoblanadi. O‘tgan mavsumda Mamashev Ukraina 1-ligasi vakili bo‘lgan Ternopol shahrining “Niva” jamoasida to‘p surgan. Mamashev qanot “vinger”i hisoblanadi. U maydonda har ikki qanotda ham o‘ynay oladi. Ukrainalik yosh futbolchi murabbiylar ko‘rigida bo‘lib turibdi.
Umuman kechagi mashg‘ulotlarda 25 nafar futbolchilar ishtirok etishdi.