"Jenoa" bosh murabbiyi Andriy Shevchenko "Atalanta" yarim himoyachisi Aleksey Miranchukning transferi borasidagi fikrlari bilan o‘rtoqlashdi.
"Miranchuk Genuyadami? Men faqat direktorimizga o‘z lavozimim haqida xabar beraman u va prezident tanlov qiladi. Men o‘zimizdagi futbolchilar bilan ishlayman va ularning ishga munosabatidan mamnunman. Transferlar esa klubning o‘ziga bog‘liq", - deydi Shevchenko Sky Sports Italia nashriga.
Avvalroq, Shevchenko 26 yoshli rossiyalik futbolchini "Jenoa"ning qishki transfer oynasidagi asosiy maqsadi deb hisoblayotgani haqida xabar berilgandi.
Joriy mavsumda Miranchuk “Atalanta” safida 12 ta o‘yinda maydonga tushib, 1 ta gol urdi va 1 ta golli uzatmani amalga oshirdi. Yarim himoyachining Bergamo klubi bilan shartnomasi 2024 yilning 30 iyuniga qadar mo‘ljallangan. Transfermarkt uni 11 million yevroga baholamoqda
