“Aston Villa” “Barselona”dan yarimhimoyachi Filippe Koutinyoni ijaraga oldi. 

29 yoshli yarimhimoyachi mavsumning qolgan qismini Birmingem klubida o‘tkazadi.

“Barsa” matbuot xizmati xabariga ko‘ra, kelishuv futbolchini mavsum oxirida sotib olish huquqini o‘z ichiga oladi. Braziliyalik hali tibbiy ko‘rikdan o‘tishi va Angliyada o‘ynashi uchun ruxsatnoma ololmagan.

“Aston Villa” 29 yoshli futbolchining maoshini qisman to‘lab beradi. Yaqin soatlarda u Birmingemga boradi.

Koutinyo “Barselona”ga 2018 yilda “Liverpul”dan kelib qo‘shilgan edi. 2019/20 yilgi mavsumda braziliyalik futbolchi “Bavariya”da ijara asosida o‘ynadi.

Hujumkor yarim himoyachi joriy mavsumda «Barsa» safida barcha turnirlarda 16 ta o‘yin o‘tkazdi va 2 ta gol urdi.