“Астон Вилла” “Барселона”дан яримҳимоячи Филиппе Коутиньони ижарага олди. 

29 ёшли яримҳимоячи мавсумнинг қолган қисмини Бирмингем клубида ўтказади.

“Барса” матбуот хизмати хабарига кўра, келишув футболчини мавсум охирида сотиб олиш ҳуқуқини ўз ичига олади. Бразилиялик ҳали тиббий кўрикдан ўтиши ва Англияда ўйнаши учун рухсатнома ололмаган.

“Астон Вилла” 29 ёшли футболчининг маошини қисман тўлаб беради. Яқин соатларда у Бирмингемга боради.

Коутиньо “Барселона”га 2018 йилда “Ливерпуль”дан келиб қўшилган эди. 2019/20 йилги мавсумда бразилиялик футболчи “Бавария”да ижара асосида ўйнади.

Ҳужумкор ярим ҳимоячи жорий мавсумда «Барса» сафида барча турнирларда 16 та ўйин ўтказди ва 2 та гол урди.