«PSJ» superyulduzi Lionel Messi Maurisio Pochettinoga hurmatsizlik qilishda ayblandi. Bunga sabab o‘tgan hafta Messi koronavirusga chalinganini Pochettinodan yashirgani edi. Bu haqida sobiq «PSJ» futbolchisi Jerom Roten shunday deydi:
«Siz kim bo‘lishingizdan qat’iy nazar o‘z murabbiyingizni hurmat qilishingiz lozim. Jamoa murabbiyi o‘yinchilardan ustun turishi lozim. Futbolchi katta yulduz bo‘ladimi yoki yosh o‘smir, buni ahamiyati yo‘q. Lionel Messi esa Pochettinoni o‘z harakati bilan behurmat qildi. Bosh murabbiy degani ham kuchli xarakterga ega inson bo‘lishi shart. Hozir jamoada faqatgina Kilian Mbappegina murabbiyni yetarli darajada hurmat qilmoqda. Aytish kerakki, o‘z murabbiyini hurmat qilmagan jamoa muvaffaqiyatga erisha olmaydi. «PSJ» esa aynan mana shu narsadan yaqin yillarda ko‘p aziyat chekdi».
Messi bu mavsumda ichki chempionatdagi 11ta o‘yinida 1ta gol urgan, xolos.
