«ПСЖ» суперюлдузи Лионель Месси Маурисио Почеттинога ҳурматсизлик қилишда айбланди. Бунга сабаб ўтган ҳафта Месси коронавирусга чалинганини Почеттинодан яширгани эди. Бу ҳақида собиқ «ПСЖ» футболчиси Жером Ротен шундай дейди:
«Сиз ким бўлишингиздан қатъий назар ўз мураббийингизни ҳурмат қилишингиз лозим. Жамоа мураббийи ўйинчилардан устун туриши лозим. Футболчи катта юлдуз бўладими ёки ёш ўсмир, буни аҳамияти йўқ. Лионель Месси эса Почеттинони ўз ҳаракати билан беҳурмат қилди. Бош мураббий дегани ҳам кучли характерга эга инсон бўлиши шарт. Ҳозир жамоада фақатгина Килиан Мбаппегина мураббийни етарли даражада ҳурмат қилмоқда. Айтиш керакки, ўз мураббийини ҳурмат қилмаган жамоа муваффақиятга эриша олмайди. «ПСЖ» эса айнан мана шу нарсадан яқин йилларда кўп азият чекди».
Месси бу мавсумда ички чемпионатдаги 11та ўйинида 1та гол урган, холос.
