"Tottenxem" bosh murabbiyi Antonio Konte jamoadagi kelajagi haqida gapirdi.
“Men ikki mavsum uchun shartnoma imzoladim. Biz klub bilan birgalikda shunday qaror qabul qildik. Menimcha, kelajakka ishonch hosil qilish uchun uzoq shartnoma kerak emas. O‘ylaymanki, klub mening ishimni baholab, keyin shartnomani uzaytirishi kerak, lekin bunga loyiq ekanimni ko‘rsatsamgina shunday bo‘ladi.
Men ko‘p yillik shartnoma tuzmoqi bo‘lgan murabbiy emasman. Bu mutlaqo adolatli ish emas, chunki men katta maosh oladigan top-murabbiy ekanligimni juda yaxshi bilaman.
"Tottenxem"dagi vaziyatni yaxshilashga tayyorman. Klub bilan shartnomam bor. “Tottenxem”da mening qolishimni xohlashlariga 120% ishonch hosil qilishsagina shartnomani yangilashimiz mumkin.
Men bu tarkib bilan ishlashdan xursandman, chunki bu menga katta imkoniyatlar beradi. Ammo shu bilan birga, klub mening vaziyatni qanday ko‘rishimni bilishi, mening fikrim va, ayniqsa, maqsadimiz nima ekanligini bilishi kerak", - dedi italiyalik mutaxassis.
