"Nyukasl" Angliya kubogi 1/32 final bosqichida mag‘lub bo‘ldi va turnirni tark etdi.

Oktyabr oyi boshida Saudiya Arabistoni hukumati davlat investisiya jamg‘armasi tarkibiga kiruvchi tashkilot tomonidan sotib olingan jamoa Angliyaning uchinchi ligasi vakili "Kembrij" klubiga yutqazib qo‘ydi (0:1).

Shunday qilib, Eddi Xau boshchiligidagi jamoaning g‘alabasiz seriyasi 5 ta o‘yinga yetdi - avvalroq Premyer-ligada "Nyukasl" "Lester" (0:4), "Liverpul" (1:3) va "Manchester Siti"ga (0:4) yutqazgan, shuningdek, "Manchester Yunayted" bilan durang o‘ynagan (1:1).