"Milan" himoyachisi Teo Ernandes "Venesiya"ga qarshi Italiya chempionati 21-turidan o‘rin olgan uchrashuvdan (3:0) so‘ng o‘z fikrlari bilan o‘rtoqlashdi.
“Biz har kuni qattiq mehnat qilamiz. O‘yindan o‘yinga rivojlanishda davom etmoqchimiz. A Seriya oson turnir emas, siz har bir o‘yinga bor kuchingizni berishingiz kerak.
Bugun sardorlik bog‘ichida o‘ynaganimdan juda xursandman, bu men uchun sharaf.
Muzokaralarimiz (yangi shartnoma bo‘yicha) juda yaxshi ketmoqda. Hozirda bu klubda ekanligimdan juda xursandman. Biz rahbariyat bilan muloqot qilishda davom etamiz.
Men yanada yaxshiroq bo‘lishga intilaman. Hatto Maldini ham menga yordamini ayamayapti, men u bilan bilan tez-tez gaplashib turaman", - dedi Ernandes.
