“Barselona” Ispaniya chempionatining 20-turida “Granada” maydoniga safar uyushtirdi (1:1).

Kataloniyaliklar 89-daqiqada yarimhimoyachi Antonio Puertasning golidan so‘ng g‘alabani qo‘ldan boy chiqarishdi.

La Liganing joriy mavsumida 85-daqiqadan keyin o‘tkazib yuborilgan gollar tufayli Xavi shogirdlari 6 ochko yo‘qotdi – “Atletiko”, “Xetafe”, “Malyorka” va “Granada”.

Chempionatda faqatgina “Kadis” kataloniyaliklardan ko‘proq ochko yo‘qotgan - 7.

Ma’lumot o‘rnida, keyingi turda “Barselona” “Rayo Valyekano”ga qarshi maydonga tushadi.