“Yuventus”ning diskvalifikasiya qilingan bosh murabbiyi Massimiliano Allegrining yordamchisi Marko Landuchchi “Roma”ga qarshi o‘yindagi amalga oshirilgan aql bovar qilmaydigan kambek haqida fikr bildirdi. Eslatib o‘tamiz, “keksa sinyora” 70-daqiqaga kelib 1:3 hisobida mag‘lubga uchrayotgandi, ammo keyin g‘alabani tortib olishga muvaffaq bo‘ldi.
“Biz xarakter ko‘rsatdik. Bugun men umrimning 5-6 yilini yo‘qotdim. Boshida biz yomon o‘ynadik, harakatlarimizda biroz qo‘rquv bor edi. Rejamiz hujumda tajovuzkor o‘ynash edi, ammo xatolar evaziga gol o‘tkazib yubordik. Keyin ikkinchi bo‘limda o‘zgarish qildik va bu o‘z samarasini ko‘rsatdi. Hozircha rimliklarning ikkinchi goli bilan bo‘lgan epizodda raqibga gol taqdim etganimizdan xursand emasman. Bu tez-tez sodir bo‘lmoqda va buni tasodif deb atash mumkin emas”, - deydi mutaxassis.
