"Manchester Yunayted"ning 63 yoshli germaniyalik ustozi Ralf Rangnik "Aston Villa"ga (1:0) qarshi o‘yindan so‘ng mankunianliklarni Angliya kubogining keyingi bosqichiga olib chiqqan 25 yoshli shotlandiyalik yarim himoyachi Skott MakTominayning yetakchilik fazilatlarini alohida ta’kidladi.
"Skott akademiyamiz bitiruvchisi, u ajoyib energiyaga ega. Endi u ma’lum yetakchilik fazilatlariga ega bo‘lgan holda muntazam ravishda gol ura boshladi. Agar u bir-ikki yil ichida "Manchester Yunayted" sardori bo‘lib qolsa, hayron bo‘lmayman", - deydi Rangnik.













