«Liverpul» yangi hujumchi sotib oladi. Xabarlarga ko‘ra, jamoa ustozi Yurgen Klopp Afrika chempionatiga yo‘l olgan Muhammad Saloh hamda Sadio Mane o‘rnini Luis Dias bilan to‘ldiradi.
«Portu» hujumchisi so‘nggi 12 oy ichida o‘zining o‘yini bilan ko‘plab gigant klublar nazariga tushgan edi. Klopp ham bundan yaxshi xabardor. «Liverpul»dagi yo‘qotish va jarohatlar Diasni yanvar oyidayoq jamoaga olib kelinishini taqazo etmoqda.
Kolumbiyalik hujumchining tovon puli 67 million funtni tashkil etadi. Mersisaydliklar esa bu summani kamaytirishga harakat qilmoqda.
