"Milan" klubi hujumkor yarim himoyachisi Frank Kessi yaqin orada jamoasini o‘zgartirishi mumkin.
Xabarlarga ko‘ra, Madridning "Real" klubi yozgi transferlar vaqtida jamoaga to‘purar yarim himoyachi olib kelmoqchi. Bu borada eng yaxshi variant "rossonerilar" futbolchisi Frank Kessi bo‘lib turibdi. "Qaymoqranglilar" rahbariyati allaqachon uning agentlari bilan muzokaralarni boshlagan.
Ma’lumot uchun, Kessining "Milan" bilan amaldagi shartnomasi joriy mavsum oxirigacha tuzilgan. U A Seriyaning 2021/22 yilgi mavsumida 16 o‘yinida maydonga tushib, 5 gol urdi.
