«Atalanta» yarimhimoyachisi Ruslan Malinovskiy o‘z murabbiyi Andrey Shevchenkoning jamoasi «Jenoa» o‘yini haqida fikr bildirdi.
«Men Shevchenko bilan doimo aloqadaman, o‘yindan keyin gaplashib oldik. Ammo hammamiz tushunamizki, vaziyat oson emas, koronavirus bilan bog‘liq muammolar yetarli. U jamoaga endigina qo‘shildi, unda ham koronavirus aniqlandi.
1-2 oy ichida jamoaga kelib, natija ko‘rsatish oson emas. Ukraina terma jamoasida ham shunday bo‘lgan - biz birinchi kundanoq uning maydonda nima istayotganini tushunmasdik.
«Jenoa» A Seriyada qolish uchun yaxshi potensialga ega», - deydi Malinovskiy.
Eslatib o‘tamiz, bundan oldinroq, Shevchenkoning qoniqarsiz natijalari sabab iste’foga chiqarilishi mumkinligi haqida xabarlar tarqalgan edi.
