«Аталанта» яримҳимоячиси Руслан Малиновский ўз мураббийи Андрей Шевченконинг жамоаси «Женоа» ўйини ҳақида фикр билдирди.

«Мен Шевченко билан доимо алоқадаман, ўйиндан кейин гаплашиб олдик. Аммо ҳаммамиз тушунамизки, вазият осон эмас, коронавирус билан боғлиқ муаммолар етарли. У жамоага эндигина қўшилди, унда ҳам коронавирус аниқланди.

1-2 ой ичида жамоага келиб, натижа кўрсатиш осон эмас. Украина терма жамоасида ҳам шундай бўлган - биз биринчи кунданоқ унинг майдонда нима истаётганини тушунмасдик.

«Женоа» А Серияда қолиш учун яхши потенциалга эга», - дейди Малиновский.

Эслатиб ўтамиз, бундан олдинроқ, Шевченконинг қониқарсиз натижалари сабаб истеъфога чиқарилиши мумкинлиги ҳақида хабарлар тарқалган эди.