Ўзбекистон терма жамоаси Жаҳон чемпионати-2026да ўзининг тарихий илк ўйинини Колумбияга қарши ўтказишга тайёрланмоқда. Мазкур учрашув старт олмасдан олдин ҳам турнир тарихидан ўрин олишга улгурди.

Қуйида Ўзбекистон — Колумбия ўйини ҳақида 5 та қизиқ факт келтирилади:

1. Томошабинлар рекордига яқинлашган ўйин
Ушбу баҳсга бўлган қизиқиш жуда юқори. Ҳозирга қадар 74 725 та билет сотилган ва бу ўйин турнирнинг старт босқичидаги энг катта талаб кўрсаткичларидан бирига айланган.

2. Марказий Осиё учун тарихий иштирок
Ўзбекистон терма жамоаси тарихда биринчи бўлиб Жаҳон чемпионати финал босқичига чиққан Марказий Осиё вакили сифатида қайд этилмоқда.

3. Бош мураббий — «Олтин тўп» соҳиби
Ўзбекистонни турнирда машҳур италиялик собиқ ҳимоячи, жаҳон чемпиони ва «Олтин тўп» соҳибларидан бири Фабио Каннаваро бошқармоқда. Унинг тажрибаси жамоанинг асосий кучларидан бири сифатида кўрилмоқда.

4. Тарихда илк учрашув
Ўзбекистон ва Колумбия терма жамоалари бу ўйинга қадар ҳеч қачон бир-бирига қарши майдонга чиқмаган — на расмий, на ўртоқлик  ўйинларда.

5. «Ацтека» стадионидаги Колумбия учун ноқулай статистика
Мехикодаги машҳур «Ацтека» стадиони колумбияликлар учун осон майдон эмас. Улар бу ерда Мексикага қарши расмий ўйинларда ҳеч қачон ғалаба қозона олмаган. Энди эса уларни дебютант Ўзбекистонга қарши старт учрашуви кутмоқда.

Ўзбекистон — Колумбия ўйини Мехикодаги «Ацтека» стадионида бўлиб ўтади. Аввалги ўйинда Португалия ва Конго ДР 1:1 ҳисобида дуранг ўйнагани сабаб, бу учрашув ғолиби гуруҳ пешқадамига айланиш имконига эга бўлади.