«Milan»ning fransiyalik himoyachisi Teo Ernandes klub bilan yangi shartnomasi uchun katta miqdordagi bonuslarga ega bo‘ladi.
24 yoshli fransiyalik futbolchi Stefano Pioli jamoasining asosiy o‘yinchilaridan biri va u Paolo Maldiniga bergan va’dasini bajarmoqchi, ya’ni «rossonerilar» uchun tarixiy shaxsga aylanishga tayyor.
Mahalliy xabarlarga ko‘ra, «Milan» Ernandesga yangi shartnoma taklif qilish ustida ishlamoqda, uning maoshi 1,5 million yevrodan 4 million yevrogacha ko‘tariladi, shuningdek, bu bonuslar bilan 5 million yevrogacha ko‘tarilishi mumkin.
Ma’lumot uchun, 24 yoshli Ernandes joriy mavsum barcha musobaqalar doirasida 22 ta o‘yinda maydonga tushib, jami 1813 daqiqa o‘ynadi. Bu vaqt ichida u to‘rtta gol urdi va beshta golli uzatmani amalga oshirdi.
