Xabaringiz bor, o‘tgan yozda «Shaxtyor» «Ayaks»dan Lassina Traore transferini amalga oshirgan edi.

Biroq u kuzda tizzasidan jiddiy jarohat olib, uzoq muddatga safdan chiqdi. Endilikda italiyalik murabbiy Roberto de Zerbi boshchiligidagi jamoa hujumni kuchaytirishning yangi choralarini ko‘rib chiqmoqda.

Klub yaqinda bu borada «Ayaks»ga murojaat qilgan. De Telegraph xabariga ko‘ra, donetskliklar David Neresni o‘z safiga o‘tkazish bo‘yicha og‘zaki kelishuvga erishgan.

Ma’lumot uchun, Neres 2021/2022 yilgi mavsumda «Ayaks» tarkibida 22 ta o‘yinda maydonga tushib, 4 ta gol urdi va 2 ta golli uzatmani amalga oshirdi.