Koronavirus tufayli Londonning “Chelsi” klubining so‘nggi o‘yinlarini o‘tkazib yuborgan Ngolo Kante va Tiago Silva “Tottenxem”ga qarshi Liga kubogi yarim final javob o‘yinida maydonga qaytishlari mumkin.
O‘yin oldidan o‘tkazilgan matbuot anjumanida “ko‘klar” bosh murabbiyi Tomas Tuxel ikkala futbolchining ham sog‘lom ekanligi va “shporlar”ga qarshi o‘yinga qaytishi mumkinligini aytdi. Agar o‘yin oldidan o‘tkazilgan test natijalari futbolchilarga o‘ynashga imkon bersa, u holda ikki yetakchi ro‘yxatga kiritiladi.
Eslatib o‘tamiz, Liga kubogi yarim finalidan o‘rin olgan “Chelsi” – “Tottenxem” o‘rtasidagi birinchi uchrashuv “ko‘klar”ning 2:0 hisobidagi g‘alabasi bilan yakunlangan edi.
