Коронавирус туфайли Лондоннинг “Челси” клубининг сўнгги ўйинларини ўтказиб юборган Нголо Канте ва Тиаго Силва “Тоттенхэм”га қарши Лига кубоги ярим финал жавоб ўйинида майдонга қайтишлари мумкин.

Ўйин олдидан ўтказилган матбуот анжуманида “кўклар” бош мураббийи Томас Тухель иккала футболчининг ҳам соғлом эканлиги ва “шпорлар”га қарши ўйинга қайтиши мумкинлигини айтди. Агар ўйин олдидан ўтказилган тест натижалари футболчиларга ўйнашга имкон берса, у ҳолда икки етакчи  рўйхатга киритилади.

Эслатиб ўтамиз, Лига кубоги ярим финалидан ўрин олган “Челси” – “Тоттенхэм” ўртасидаги биринчи учрашув “кўклар”нинг 2:0 ҳисобидаги ғалабаси билан якунланган эди.