“Liverpul” o‘tgan yozda Londonning “Chelsi” klubi qiziqish bildirgan “Sevilya” himoyachisi Jyul Kundeni sotib olishni maqsad qilgan. “The Sun” nashri xabariga ko‘ra, fransiyalik himoyachi mersisayd klubi taklifini mamnuniyat bilan qabul qilmoqda.

Eslatib o‘tamiz, o‘tgan yozda Kunde “Chelsi”ga o‘tishga yaqin qolgandi, ammo narxi 80 million yevro bo‘lgani uchun “ko‘klar” himoyachi bilan shartnoma imzolashni kechiktirishga qaror qilishdi. Transfer buzilganidan so‘ng Kunde jahli chiqdi va rahbariyatning qo‘ng‘iroqlariga javob bermadi, ammo vaqt o‘tishi bilan fransiyalik, hamda “Sevilya” rahbarlari o‘rtasidagi munosabatlar barqarorlashdi.

Joriy mavsumda Kunde La Ligada 17 ta o‘yinda maydonga tushib, bitta golli uzatmani amalga oshirdi.