“Ливерпуль” ўтган ёзда Лондоннинг “Челси” клуби қизиқиш билдирган “Севилья” ҳимоячиси Жюл Кундени сотиб олишни мақсад қилган. “The Sun” нашри хабарига кўра, франциялик ҳимоячи мерсисайд клуби таклифини мамнуният билан қабул қилмоқда.

Эслатиб ўтамиз, ўтган ёзда Кунде “Челси”га ўтишга яқин қолганди, аммо нархи 80 миллион евро бўлгани учун “кўклар” ҳимоячи билан шартнома имзолашни кечиктиришга қарор қилишди. Трансфер бузилганидан сўнг Кунде жаҳли чиқди ва раҳбариятнинг қўнғироқларига жавоб бермади, аммо вақт ўтиши билан франциялик, ҳамда “Севилья” раҳбарлари ўртасидаги муносабатлар барқарорлашди.

Жорий мавсумда Кунде Ла Лигада 17 та ўйинда майдонга тушиб, битта голли узатмани амалга оширди.