Xabaringiz bor, 10 yanvar kuni «Mash’al» klubi murabbiylar shtabida o‘zgarish yuz berdi. Jamoaning Superligadagi muvaffaqiyatsiz natijalari bois, bosh murabbiyi Aleksandr Xomyakov o‘z arizasiga binoan, lavozimidan ozod etildi.
Oldinroq xabar berilganidek, klub rahbariyati bosh murabbiy borasida yakuniy to‘xtamga keldi.
Klub rahbariyati tavsiyasi va jamoatchilikning fikriga ko‘ra jamoaning sodiq o‘g‘loni Dilyaver Vaniyevni «Mash’al» bosh murabbiyi etib tayinlandi.
Ma’lumot o‘rnida, faoliyati davomida “Yangiyer”da boshlagan himoyachi "Zarafshon", "Navbahor" va "Mash’al" jamoalarida bir mavsum to‘p tepgan 3-raqam egasi, 2005 yildan beri Muborakda. Orada bir mavsum "Andijon" libosini kiydi. Xatto klub 1-ligaga tushib ketgan yili ham Vaniyev jamoasiga sodiq qolgan edi.
1975 yilda tavallud topgan futbolchi roppa-rosa 39 yoshigacha futbol o‘ynadi. Doimiy ravishda o‘z saviyasini bir xil tarzda ushlab tura olgan Vaniyev o‘z jamoasining rosmanasiga afsonasiga aylana oldi.
