Uzoq yillardan buyon klub akademiyasi tizimida mehnat qilib kelayotgan Olim Shokirov endi akademiyaga rahbarlik qiladi.
Ko‘p yillardan beri "Paxtakor" futbol akademiyasida murabbiy sifatida faoliyat olib borgan mutaxassis o‘zining samarali ish olib borishi bilan e’tiborga tushgan. Klub rahbariyatining qaroriga ko‘ra, Olim Shokirov endilikda butun akademiya tizimining yanada yaxshiroq faoliyat ko‘rsatishi maqsadida ishlaydi. Akademiya direktori sifatida Shokirov allaqachon murabbiylar bilan uchrashib, o‘yin uslubi va boshqa jihatlar borasida hamkasblari bilan fikr almashdi.
