«Real» bosh murabbiyi Karlo Anchelotti Ispaniya superkubogi yarim final bosqichi doirasida bo‘lib o‘tgan «Barselona»ga qarshi o‘yin (3:2) borasida o‘z fikrini bildirib o‘tdi.

«Murakkab o‘yin, har ikki jamoa yaxshi harakat qildi. Biz muammolarni yengib o‘tishimizga to‘g‘ri keldi.

Biz uchrashuvni yaxshi boshladik, qarshi hujumlarga e’tibor qaratdik. Hisobda oldinga o‘tib olganimizdan keyin samaradorligimiz pasaydi. Birinchi bo‘limda g‘alabaga haqli edik, ikkinchi taym esa teng bo‘ldi.

Biz qarshi hujumlarda yaxshi foydalanamiz, buni uddalaydigan futbolchilar bor. Biz mag‘lub bo‘lmas jamoa emasmiz. Chunki futbolda barcha narsa faqat qarshi hujumga bog‘liq emas. Ammo bu jihatdan biz yaxshi harakat qilamiz.

Bahs so‘ngida yaxshi himoyalana boshladik.«Barselona» yaxshi o‘yin o‘tkazdi. Bu bahs har ikki jamoa uchun muhim edi. Ochig‘ini aytaman: «Barselona» yaxshi o‘ynadi.

Benzemaning ahvoli yaxshi. Mushagi lat yedi», – dedi Anchelotti.