"Manchester Yunayted" hujumchisi Krishtianu Ronaldu jamoa bosh murabbiyi Ralf Rangnik va uning ish uslubi borasida o‘z fikrini bildirib o‘tdi. "MYU" germaniyalik mutaxassis qo‘l ostida 7ta o‘yin o‘tkazib, 4ta o‘yinda g‘alaba qozongan bo‘lsa, bitta bahsda mag‘lub bo‘ldi.

Krishtianu Ronaldu esa Rangnik boshqaruviga kelganidan so‘ng ikkita gol muallifiga aylandi.

"Rangnik jamoaga kelganiga 5 hafta bo‘lgan bo‘lsa-da, u ko‘p narsani o‘zgartirdi. Ammo u o‘z g‘oyalarini o‘yinchilarga to‘liq yetkazishi uchun unga vaqt kerak. Buning uchun vaqt talab etiladi. Ammo u muvaffaqiyatga erishishiga ishonaman. Hozirda eng yaxshi o‘yinimizni namoyish eta olmayotganimizni bilamz, ammo o‘yinimizni yaxshilash uchun hali ko‘p uchrashuvlar bor.

Shunga qaramay, Rangnik kelganidan keyin biz ba’zi jihatlarimizni yaxshiladik, ammo vaqt kerak. O‘yinchilar mentalitetini o‘zgartirish oson ish emas. U yaxshi ishni amalga oshirishiga ishonaman".