Ispaniya superkubogi yarim finalidan o‘rin olgan "Barselona" – "Real" uchrashuviga oid (2:3) qiziqarli fakt va statistikalar bilan tanishing.

– "Barselona” raqib darvozasi tomon 20 ta zarba (6 ta aniq) berdi va o‘zi 14 ta zarba (8) o‘tkazib yubordi. Katalonlar klasikoda 2006 yildan beri ilk bor bu qadar ko‘p zarba yo‘lladi;

– “Real” ketma-ket 5-klasikoda “Barsa”ni taslim etdi. Bunaqasi klasikolar tarixida ikkinchi marta kuzatildi. Katalonlar 2019 yilning martidan beri “Real”ni yuta olmayapti;

– “Barselona”ning rasmiy bahslardagi ketma-ket olti o‘yinlik mag‘lubiyasiz seriyasiga nuqta qo‘yildi. Jamoaning keyingi o‘yini kubok doirasida “Atletik B”ga qarshi bo‘ladi;

– Bu neytral maydonda o‘tgan 9-klasiko bo‘ldi. To‘qqiz o‘yinning 5 tasida “Real” g‘alaba qozongan bo‘lsa, 4 tasida katalonlar zafar quchgan va biror marta durang qayd etilmagan;

– “Real” 17-marta Ispaniya Superkubogi finalida o‘ynaydi. Madridliklar 11 ta g‘alaba qayd etgan bo‘lsa, 5 ta finalni boy bergan.