Испания суперкубоги ярим финалидан ўрин олган "Барселона" – "Реал" учрашувига оид (2:3) қизиқарли факт ва статистикалар билан танишинг.
– "Барселона” рақиб дарвозаси томон 20 та зарба (6 та аниқ) берди ва ўзи 14 та зарба (8) ўтказиб юборди. Каталонлар класикода 2006 йилдан бери илк бор бу қадар кўп зарба йўллади;
– “Реал” кетма-кет 5-класикода “Барса”ни таслим этди. Бунақаси класиколар тарихида иккинчи марта кузатилди. Каталонлар 2019 йилнинг мартидан бери “Реал”ни юта олмаяпти;
– “Барселона”нинг расмий баҳслардаги кетма-кет олти ўйинлик мағлубияциз сериясига нуқта қўйилди. Жамоанинг кейинги ўйини кубок доирасида “Атлетик Б”га қарши бўлади;
– Бу нейтрал майдонда ўтган 9-класико бўлди. Тўққиз ўйиннинг 5 тасида “Реал” ғалаба қозонган бўлса, 4 тасида каталонлар зафар қучган ва бирор марта дуранг қайд этилмаган;
– “Реал” 17-марта Испания Суперкубоги финалида ўйнайди. Мадридликлар 11 та ғалаба қайд этган бўлса, 5 та финални бой берган.
