2022 yilgi Superliga yangi mavsumida «Dinamo» jamoasini serbiyalik Predrag Rogan boshqarishi haqida xabar bergan edik.
11 yanvar kuni Samarqandga yetib kelgan serbiyalik mutaxassis shu kunining o‘zidayoq «Dinamo» jamoasi mashg‘ulotlariga qo‘shildi. Hozirda jamoa Rogan qo‘l ostida kuniga ikki mahaldan mashg‘ulotlarga zo‘r bermoqda. 47 yoshli mutaxassis bilan bir yillik shartnoma imzolangan.
Eslatib o‘tamiz, «Dinamo» klubi 5 yanvardan buyon Samarqandda yangi mavsumga tayyorgarlikni olib bormoqda. Jamoa bir qator futbolchilar bilan muzokara o‘tkazmoqda. Shartnoma imzolangach, bu borada rasman ma’lum qilinadi.
