2022 йилги Суперлига янги мавсумида «Динамо» жамоасини сербиялик Предраг Роган бошқариши ҳақида хабар берган эдик.
11 январь куни Самарқандга етиб келган сербиялик мутахассис шу кунининг ўзидаёқ «Динамо» жамоаси машғулотларига қўшилди. Ҳозирда жамоа Роган қўл остида кунига икки маҳалдан машғулотларга зўр бермоқда. 47 ёшли мутахассис билан бир йиллик шартнома имзоланган.
Эслатиб ўтамиз, «Динамо» клуби 5 январдан буён Самарқандда янги мавсумга тайёргарликни олиб бормоқда. Жамоа бир қатор футболчилар билан музокара ўтказмоқда. Шартнома имзолангач, бу борада расман маълум қилинади.
