"Real" yarim himoyachisi Luka Modrichga "Manchester Siti" va "Milan" klublari qiziqish bildirmoqda, deb xabar beradi "El Nacional".
Manba bergan xabarga ko‘ra, klublar xorvatiyalik futbolchini erkin agent sifatida o‘z safiga qo‘shib olmoqchi. Uning shartnomasi 2022 yilning yozida yakuniga etadi.
Ma’lumot uchun, 1 yanvardan boshlab 36 yoshli futbolchi boshqa jamoalar bilan muzokara olib borishi mumkin. Oldinroq madridliklar yaqin vaqtlar ichida futbolchi bilan shartnomani 2023 yilgacha uzaytirishini elon qilishlari haqida malumotlar paydo bo‘lgandi.
Modrich joriy mavsumda 20 ta o‘yinda maydonga tushib, 5 ta golli uzatmani amalga oshirdi.
