“Olimpiakos” himoyachisi Ruben Semedu uyi oldida kaltaklangan, deb xabar beradi Gresiyaning ERT1 telekanali. Qayd etilishicha, juma kuni kechqurun uch niqobli kishi portugaliyalik futbolchi va uning do‘stiga hujum qilgan, shundan so‘ng ular qochib ketishgan.
Semedo va uning do‘sti guvohlik berish uchun avval polisiya bo‘limiga, keyin esa kasalxonaga olib ketilgan. Jinoyatchilarni qidirish ishlari boshlandi. Hujumgp futbolchining o‘tmishi sabab bo‘lgan bo‘lishi mumkin.
O‘tgan yili u 17 yoshli qizni zo‘rlashda ayblanib jinoiy javobgarlikka tortilgan edi. U hibsga olingan va keyin 10 ming yevro miqdorida garov evaziga qo‘yib yuborilgan.
