“Олимпиакос” ҳимоячиси Рубен Семеду уйи олдида калтакланган, деб хабар беради Грециянинг ERT1 телеканали. Қайд этилишича, жума куни кечқурун уч ниқобли киши португалиялик футболчи ва унинг дўстига ҳужум қилган, шундан сўнг улар қочиб кетишган.

Семедо ва унинг дўсти гувоҳлик бериш учун аввал полиция бўлимига, кейин эса касалхонага олиб кетилган. Жиноятчиларни қидириш ишлари бошланди. Ҳужумгп футболчининг ўтмиши сабаб бўлган бўлиши мумкин.

Ўтган йили у 17 ёшли қизни зўрлашда айбланиб жиноий жавобгарликка тортилган эди. У ҳибсга олинган ва кейин 10 минг евро миқдорида гаров эвазига қўйиб юборилган.