“Daily Mail” nashri xabariga ko‘ra, “Tottenxem” hujumchisi Xarri Keyn yaqin orada jamoani tark etmoqchi.

Manbaga ko‘ra, 28 yoshli hujumchi chempionlikka da’vogar klubga o‘tmoqchi. Forvard “shporlar” bilan sovrinlarni qo‘lga kirita olmasligiga ishonmoqda.

Eslatib o‘tamiz, o‘tgan mavsumda Keynni “Manchester Siti” o‘z safiga qo‘shib olmoqchi edi, ammo “Tottenxem” o‘z futbolchisini qo‘yib yuborishdan bosh tortgandi.

Harri 2011 yildan buyon londonliklar safida o‘ynab kelmoqda. Uning “shporlar” bilan amaldagi shartnomasi 2024 yilgacha mo‘ljallangan.