"Tottenxem" APLdan tushuntirish talab qilmoqda. Kecha, Konte jamoasining "Arsenal"ga qarshi derbi o‘yini qoldirilgan edi.
Bu uchun "Tottenxem" turnir ma’muriyatidan tushuntirish so‘ragan. Bu haqida "shporlar" rasmiy saytida bayonot berildi.
Unda "Tottenxem" aynan koronavirus sababli Yevropa Konferensiyalar ligasida o‘z yurishini yakunlagani, "Lester"ga qarshi o‘yin esa qoldirilmaganini aytib, shikoyat qilgan. Jamoa "Arsenal"ning talabi qondirilganidan hayratga tushgan.
Eslatib o‘tamiz, shimoliy London derbisi aynan "Arsenal" tarkibidagi muammolar sabab qoldirilgan edi. Ayni damda Mikel Arteta ixtiyorida 12ta futbolchi bor, xolos.
